***اشعـــــــار ترکــــــــــــــی ***

[Karegar]

[Karegar]

بـیـر ﺩﻧﻪ ﺳـﻦ ﺗـﻮﺭﮎ ﻗﯿـﺰﯼ ﺳـﻦ ، ﻣـﻦ ﺳﻨـﻪ ﻗـﻮﺭﺑـﺎﻥ ﺍﻭﻻﺭﺍﻡ

ﺟـــﺎﻥ ﻭﺋـﺮﻩ ﺭﻡ ﻋﺸﻘﯿـﻨﻪ ﻣـﻦ ، ﺍﯾﮕﯿـﺪ ﺑﯿـﺮ ﺍﻭﻏـﻼﻥ ﺍﻭﻻﺭﺍﻡ

ﺳﻨﯿـﻦ ﮐﯿﻤـﯽ ﮔﻮﺯﻝ ﻗﯿـﺰﺍ ﻫـﺮ ﻧﻪ ﺩﺋﺴـﻢ ﺁﺫ ﺩﺋﻤﯿـﺸـﻢ...

ﺑﯿـﻞ ﮐـﯽ ﻓﻘـﻂ ﮔـﻮﻝ ﺍﻭﺯﻭﻧـﻪ ﺑﻮﻟﺒـﻮﻝ ﺧـﻮﺷﺨـﻮﺍﻥ ﺍﻭﻻﺭﺍﻡ

ﺳـﻦ ﻧﻪ ﺩﺋﺴـﻦ ﻣـﻦ ﺍﺋﻠـﻪ ﺭﻡ ﺩﻭﻧﯿـﺎﻧـﯽ ﺭﯾﻀـﻮﺍﻥ ﺍﺋﻠـﻪ ﺭﻡ

ﻗـﺎﻥ ﺳـﺎﻻﺭﺍﻡ ﺟـﺎﻥ ﺳـﺎﺗـﺎﺭﺍﻡ ﺩﺭﺩﯾﻨـﻪ ﺩﺭﻣـﺎﻥ ﺍﻭﻻﺭﺍﻡ

ﮔﺮ ﺳﻨـﻪ ﭼـﻮﺥ ﺁﺷﯿـﻖ ﺍﻭﻟـﻮﺏ ﻫﺎﻣّﯿـﺴﯿﻨـﯽ ﻗـﺎﭼﯿـﻠـﺪﺍﺭﺍﻡ

ﮐﻮﻧﻠـﻮﻣـﯽ ﻣـﻦ ﯾﺎﻧـﺪﯾـﺮﺍﺭﺍﻡ ﻋـﺸﻘﯿـﻨﻪ ﺳـﻮﻟﻄـﺎﻥ ﺍﻭﻻﺭﺍﻡ

ﺩﻭﺩﺍﻗـﻼﺭﯾـﻦ ﮔـﻮﻝ ﮐﯿـﻤﯿـﺪﯼ ﮔـﻮﺯﻟّﯿـﻐﯿـﻦ ﮔـﻮﻥ ﮐﯿـﻤﯿـﺪﯼ

ﺍﯼ ﻗﯿـﺰ ﺳﻨﯿـﻦ ﻗـﺎﺵ ﮔـﻮﺯﻭﻧـﻮ ﮔـﻮﺭﻧـﺪﻩ ﺣﯿـﺮﺍﻥ ﺍﻭﻻﺭﺍﻡ

ﮔـﺮ ﻣﻨـﻪ ﻟﯿـﻼ ﺍﻭﻻﺳـﺎﻥ ﻋﺎﺷﯿـﻖ ﻭ ﺷﯿـﺪﺍ ﺍﻭﻻﺳـﺎﻥ

ﻣـﻦ ﺩﻩ ﺳﻨـﻪ ﺳـﻮﺯ ﻭﺋـﺮﯾـﺮﻡ ﻣـﺠﻨـﻮﻥ ﺩﻭﺭﺍﻥ ﺍﻭﻻﺭﺍﻡ

[Karegar]

دوت الیمدن بو همان الدی فراقینده سنین


یادیما سالماق همان باشا چالاردیم گئجه لر


حوسنو روخسارینی رویاده چکردیم قلمه


قلبیمی قاب ائیله ییب قابه سالاردیم گئجه لر


بونا خاطیرکی آدین دوشمه یه اغیار الینه


دوز کیمی آدیوی یازدیقجا یالاردیم گئجه لر


بئله سیزلاردی اوره ک یادینا سالدیقجا سنی


سینه می دیرناق آتاردیم پارالاردیم گئجه لر


بلکه سن ساغ یاشاییب ساغ دولانیب ساغ گزه سن


گوزه لیم هر قادان اولسایدی آلاردیم گئجه لر


سن رقیبیمله گونوز سیره چیخاردین چمنه


منده عشقینده سولاردیم سارالاردیم گئجه لر


گوزلرین یادیمه دوشدوکجه اسردی بدنیم


قوش کیمی یئرده دوشردیم چابالاردیم گئجه لر


تابلو اوستونده چکردیم سنی مین زحمتیلن


بیر باخیب اوستونه تئز رنگی جالاردیم گئجه لر


ایندی ده گئتمه لی سن گئت دئمیرم منده گلیم


قاللام اول حالداکی اولده قالاردیم گئجه لر


مکتب عشقیده مجنونیله من باهم ایدیک


غم ییغاردیم سینه مه غصه چکردیم گئجه لر


مجنون اوز عشقینی لیلایه گوره بیلدیردی


من گونوز یازدیغیم عشقی قارالاردیم گئجه لر

[Karegar]

عشقنده گوزوم چشمه کمین اغلی ای یار

عشقین منه در ماندی ،منم نازوه بیمار

گل ال باشیمی گوی سینن اوسته قارو گوزلوم

سیل گوزیاشیمی ،زلفمی هر گون اله تیمار

گه گوندریسن کهنه اولان غملی خیالین

خوش خاطره لر عشقیدن ،اولموش منه غم خوار

دنیام داغلیر ،سن منه بیر لحظه باخینجا

سن سن کی منی عشقیدن ادین بله بیمار

یارب نه بلا سیدی بوعشقین غم و اهی

تز یاشدا گوجادی باشیمی ایلدی بر دار

گه مست الیر عشق منی گه ادیر هشیار

[Karegar]

بیر نگار عشقنده اغلار دیده گانیم وار منیم

سرو قامت نازنین سرو چمانیم وار منیم

ماه رویین گورجک الدن قدی صبرو قامتیم

بیر نچه مدتی کوینده مکانیم وار منیم

نگس شهلاسی ایلر خاطرم اشفته حال

گوشه میخانده اه و فغانیم وار منیم

ساقیا ور باده مست ایله بتون عاشقلری

گون باتیر عمروم گچیر بیر از زمانیم وار منیم

لاله تک بیر یاره واردیر عمق جسم و جانیده

عشقدن بیر توفه دیر غمدن نشانیم وار منیم

بو قارانلیق ظلمتین اسرار لا افهامی وار

مونسیم دیر خاطری ارام جانیم وار منیم

[Karegar]

ســـن ياريمين قاصدي سـن ايلش ســنه چــــاي دئميشم

خـــياليني گــــوندريب ديــــر بسكي من آخ ، واي دئميشم

آخ گئجه لَـــر ياتمـــــاميشام مــن سنه لاي ، لاي دئميشم

ســـن ياتالــي ، مـن گوزومه اولـــدوزلاري ســـاي دئميشم

هــر كـــس سنه اولدوز دييه اوزوم ســــــــــنه آي دئميشم

سننن ســـورا ، حــــياته من شـيرين دئسه ، زاي دئميشم

هــر گوزلدن بيــر گـــول آليب ســن گـــوزه له پاي دئميشم

سنين گـــون تــك باتماغيوي آي بـــاتـــانـا تــــاي دئميشم

اينــدي يــايــا قــــيش دئييرم ســـابق قيشا ، ياي دئميشم

گــاه تــوييوي ياده ســــاليب من ده لي ، ناي ناي دئميشم

ســونــــرا گئنه ياســه باتيب آغــــلاري هاي هاي دئميشم

عمـــره ســورن من قره گون آخ دئــمــيشم ، واي دئميشم

[Karegar]

بو گئجه ایسته ییرم عشقیوی تصویره چکم

بوتون اولدوزلاری شهلا گوزووه خیره چکم

گتیرم دفتریمه گوی ده کی افسانه لری

ایستیرم کیپریگین ایچره آیی زنجیره چکم

چالیشام گول اؤزؤوؤن جیلوه سینی وصف ائلییم

یئنه زیبا باخیشی وادیه تفسیره چکم

من سنه گول دئمرم چون گولون عمری آز اولار

گرک عشقینده بوتون باغلاری تکثیره چکم

هم قضا همده قدر ال اله وئردی گوروشک

ایسته مزدیم سنی بو نافیله تقدیره چکم

یاغیشین حرمتیسن شبنمه اوخشار نفسین

بو گئجه ایسته ییرم عشقیوی تصویره چکم

[Karegar]

من سني اونودا بيلميرم
آخي اونوتسام نه لري اونودام گرک!
گؤيلره باخميشيق آيلي گئجه ده
اونوتسام گؤيلري اونودام گرک!
دنيزي اونودوم، يا دالغالاري
خاطيرن ياديمدان چيخايدي باري
پاييزدا خزاني، قيشداسا قاري
باهاردا گوللري اونودام گرک!
دئه نئجه اونودوم من سني نئجه؟
سئوگي دورنا دئييل پاييزدا کؤچه
يوخوما گليرسن منيم هر گئجه
آيلاري، ايللري اونودام گرک!
سنين خياليندير حسرتله باخان
آديندير هر ساعات قارشيما چيخان
قاريشيب شکلينه گؤزومدن آخان
ياغيشي، سئللري اونودام گرک!
سينمده پشيمان اورگيم قالدي
اوچدون اللريمده لعلگيم قالدي
نه لري ايتيريب، باخ نييم قالدي
نه لري، نه لري اونودام گرک

[ramin94]

اونوتمادي گؤزلريني گؤزلريم ،
منيم گؤزوم ، سنين گؤزون دئييل كي .
او يئرلري ناخيشلايير ايزلريم ،
منيم ايزيم ، سنين ايزين دئييل كي .
يالانلارا اويرتمه ديم ديليمي ،
منيم ديليم ، سنين ديلين دئييل كي ،
هر يئته نه اوزاتماديم اليمي ،
منيم اليم ، سنين الين دئييل كي .
اوچوب گئتدين ، سازاق دوشدو كؤنلومه ،
منيم قلبيم ، سنين قلبيم دئييل كي ،
سن گولوش چون يارانيب سان ، اينله مه ،
منيم غميم ، سنين غمين دئييل كي .
سن قارالتدين ، من آغاتديم ساچيمي ،
منيم ساچيم ، سنين ساچين دئييل كي ،
ائشيدنلر باغيشلايير سوچومو ،
منيم سوچوم ، سنين سوچون دئييل كي .
يئره دوشدو اودلي سؤزوم كؤزه ردي ،
منيم سؤزوم ، سنين سؤزون دئييل كي ،
قارشيلاشديق ، ديل سوسدو ، اوز قيزاردي ،
منيم اوزوم ، سنين اوزون دئييل كي .
سن يولونو دييشديردين بير سحر ،
منيم يولون ، سنين يولون دئييل كي ،
بو هجرانا دؤزه جه يم بير تهر ،
دؤزه جه يم ، هجران اؤلوم دئييل كي ... !
شاعر :
نصرت کسمنلی

[ramin94]

واااااای مو به تنم سیخ شد
محشر بود این شعر

ساخلایا بیلیردیم واختی، ساعاتی

یاشایا بیلیردیم عؤمرو، حیاتی

شیرین بیر اوخشاما، کؤورک بایاتی

بوتون عؤمروم بویو اونوتمادیغیم-

واختین اللریمه کئچدییی چم وار

منیم بو کؤلگه ده بیر خاطیره م وار.



باشیمین اوستونده بارلی بیر بوداق

بوداغین آلتیندا اودلو بیر دوداق

ایللردی آغلاییر اوردا بیر بولاق

یارپاقلار اوستونده هله ده نم وار

منیم بو کؤلگه ده بیر خاطیره م وار.



اوز کؤزه دؤنموشدو، یاناقلار زره

آرخادا اوچوروم، قارشیدا دره

هر اینسان عؤمرونون خاطیره لره-

یئتدییی مقام وار،چاتدیغی دم وار

منیم بو کؤلگه ده بیر خاطیره م وار.



بورونوب غرق اولوب یاشیل توللره

نغمه تک آخاردی صاف کؤنوللره

حئییف تئز قاریشدی سولان گوللره

ایندی اوزاقلاردا بیر بختی کم وار

منیم بو کؤلگه ده بیر خاطیره م وار.



توتور بیلدییینی یاردان خالیق

ائله بیل دریادان آیریلیر بالیق

یاش کدر گتیریر، زامان قوجالیق

گؤزومده حسرت وار، کؤنلومده نم وار

آغاج کؤلگه سینده بیر خاطیره م وار

منیم بو کؤلگه ده بیر خاطیره م وار...


شاعر : زلیم خان یعقوب اف

[ramin94]

واقعا هیچی ندارم بگم ..آدم خالی میشه با شنیدنش
روحش شاد ..

[Nahal]

.
داریخما قارتالیم سوسما آماندیر
گونش قارشیسیندان دؤمان قاچاجاق 
گئجه نین باغریندا چرپنان سحر
یئنی دن بیر آیدین ایشیق ساچاجاق 

آزادلیق اوغروندا چالیشان اینسان 
اولدوزو یوخلادار اؤزی یوخلاماز 
عدالت بایراقین گویه قالدیران 
قوللاری یورولماز گؤزی یوخلاماز 

آه قوجا یوردومون قیزیل قارتالی 
یورولماز قانادین قولون وار سنین
سنسن حقیقتین دوزگون ائلچیسی
بیر تانری بینمیش یولون وار سنین 

من سنی آتمارام دونیالار بؤیی
نه قدر جانیمدا جانیم وار منـیم 
قورقود نوه سی ام، بابک اوغلیام 
غیرت داماریمدا قانیم وار منیم

کشگه بیر اورکده مین جانیم اولا
وئررم قارشیندا یولووا قوربان
کسسه لر بابک تک جوت بیلنگیمی
دییره م قوللاریم قولووا قوربان

گونش تک پارلاییب قارا بولوتدان
سن چیخان زاماندا گوله جک شهر
" آلقانام " هجرینده یول چکیر گؤزوم
داریخما قارتالیم آچاجاق سحر...


حسن قبادزاده " آلقان "

[parnia-sh]

چه قد زبون ترکی سخته..ولی قشنگه..من یه سال اومدم یاد بگیرم پشیمونن شدم..الان فقط میدونم اب میشه سو..

[نگین71]

يقين بيل ابجد و بورهان, "على"دير
بيان-ى توحيد و قورآن, "على"دير

محممد مئعراجا وارديغى گئجه
قاپيدا گؤردويو آرسلان, "على"دير

چيخاردى اوزويو, وئردى نيشانه
"حقيقت" گؤردو كيم سوبحان, "على"دير

"حق" ايله قيلدى دوخسان مين كلامى
اوتوز مين سيرر ايله سيردان, "على"دير

چيخاريب يئر اوزوندن گؤيه اول دم
آپاريب گتيره ن رحمان٫ "على"دير

گؤروب يئر اوزره بير گونبد ياسينميش
عجاييب گونبد-ى خضران٫ "على"دير

ايچينده سورولور سيرر-ى حقيقت
قورولموش محشر و ميزان٫ "على"دير

ايره لى يئريييب٫ قاپىنى قاخدى
آنا كيمسن؟ دئيه سوران٫ "على"دير.

دئدى كيم: خاديمم٫ خئيرالنسايام
هم اول دم قاپىنى آچان٫ "على"دير

چو گؤردو قيرخ ارى وار٫ سيرر-ى قودرت
ايچينده سرور-ى مردان٫ "على"دير

[APHRODITEVAFA]

چه قد زبون ترکی سخته..ولی قشنگه..من یه سال اومدم یاد بگیرم پشیمونن شدم..الان فقط میدونم اب میشه سو..

اینقدراهم سخت نیس